هذا الحلو يتميز بشكله الغريب
المقادير
---------
كيك سارالي مثل ما هو موضح عندنا بالصوره
آيس كريم هاقن او أي نوع انتو تحبونه وتفضلونه تبون باسكن تبون بترا أي يمشي حاله
أوريو مطحون
جيلي : حلاو الأطفال على شكل ثعابين الموجود بالجمعيات
أعواد العصير : المقصود بالأعواد أعواد الشرب
ورد جاف او حبة نعناع مقطوعه مع غصنها
أصيص زرع صغار تحصلونهم في محلات بو 100 فلس أو تقدرون تستخدمون
القلاصات البلاستيك الصغيره ملونين أو لون ساده من بره
--------------------------------------------------------------------------------
الطريقه
--------
نأخذ الكيكه وإنطلعها من علبتها
نقطعها شرائح متساوية السمك
نحتاج قطّاّعه دائرية الشكل ونقطع من الشرائح اللي سويناها
لمن يصير الشكل النهائي عندنا جذي
ألحين صار دور الاصيص او القلاص البلاستيك
حطي داخل كل قلاص القطعه الدائريه اللي قطعناها من الكيك
اخذي عود العصير وقيسيه من بره القلاص
قصيه بحيث ياخذ طول معين ومايطلع بره القلاص
ثبتـّي العود بالكيكه
لما نسويّهم كلهم ونخلص
نحط فوق قطعة الكيكه آيس كريمنا المفضل مثل ما قلنا هاقن أو باسكن أو بترا .. إلخ
وزعيه عدل في كل الإتجاهات
تقدرين تستعملين حق كل قلاص نكهه معينه يعني مره نعناع
ومره تووفي
ومره جوكليت
ومره فانيلا
ملاحظه : لما تعبيّن القلاص مالج آيس كريم عبيه للنصف او اكثر شوي
بعد التعبئه ألحين نستخدم ثعابين الجيلي ونحطها فوق الآيس كريم مالنا
نرجع نضع طبقه من الآيس كريم فوق الجيلي
عقب ما نغطي بالآيس كريم راح نحتاج حق الأوريو المطحون
تقريبا تحتاجين 9 حبات أو أكثر راح يبين معاج على حسب العدد المطلوب من القلاصات
إنوزّعه فوق آخر طبقه من الآيس كريم بس ديربالج لا تكثرين وايد
وتأكدي ان الآيس كريم من تحته ما يبين خلي توزيعج عدل ومرتب
طبعا مع كل هالشغل اللي سويتيه تأكدي إنج ما تدفنين العود لأنج راح تحطين الورده فيه
عقب ما تثبتين الورده داخل العود راح يصير شكل السويت مالج جذي
راح يصير الشكل النهائي جذي
وبالهنا والشفا عليكم يالربع
ملاحظه : تقدرون بدال ما تحطون الورده الجافه .. اتحطون النعناعه بغصنها ترى ينفع
ليست هناك تعليقات:
إرسال تعليق