Hello everybody in my page

Life is like an ice cream enjoy it before it melts


الخميس

Girls' Birthday party idea



Birthday Party

فكره اعجبتني حق أعياد ميلاد البنات
الألوان المستخدمه الأسود والأبيض والفوشي
وراح تلاحظون انهم ماخذين كورنر بالبيت وامغيرينه بلمسات راقيه
احنا بيوتنا ماشاء الله وسيعه وفي بيوت عندهم سراديب فا استغلوها بدال ما يكون بره

















مافيها كلافه .. لو بتلاحظون المحتويات كانت كالتالي
كيكة العيدميلاد .. كب كيك كذا نوع امغيرين اللون والشكل
بوب كورن .. حلاو مصاص .. حليب وتقدرون تستبدلونه بعصير او مشروبات غازيه
بسكوت اوريو وكوكيز .. الزينه تقدرون انتو تسوونها بالبيت
تحتاجون كمبيوتر وبرنتر او سي دي
تصممون زينة الطوفه + كروت الدعوه + بطاقات الشكر
بالجمل اللي انتوا تختارونها واسم صاحبة الحفله والالوان المفضله
و ودوها حق أقرب مطبعه يطبعها لكمـ
بالنسبه حق الطوفه تحصلون في هوم جاردين الشويخ
شغلات وايد حلوه وبأسعار حلوه
الصحون الملاعق الكاسات في تروفاليو اللون اللي تبونه
في قسمين قسم للأطفال عليهم رسومات وشخصيات
وقسم للكبار كل الألوان موجوده ساده
تحصلون حتى مفرش الطاوله نفس لون طقم الأكل إذا تبون
حتى محلات بو مية فلس ما تقصر

بالتوفيق

الأربعاء

LE KA'KAW


لأصحاب الذوق الرفيع جوكليت راقي وفاخر وبنكهات مختلفه

LE KA'KAW
Essence du chocolat




والعديد من الأنواع بالإضافه إلى صواني التقديم بأشكال متعدده ..

Tel. # 90914747

Dulzon KW

مليتوا من بعض المطاعم ومتوهقين شنو تطلبون حق ريوق الدوام ؟
متيمعين بالديوانيه وماتدرون شنو تطلبون ؟
إمسوين عيدميلاد وماتبون تعورون راسكم بشنو ناقصكم ؟
Dulzon KW
عندهم الحل







Dulzon : 99056551

بالعافيه عليكمـ

Carrot Cupcakes


هاذي طريقه وايد حلوه وسهله حق أي وقت وأي مناسبه تصادفكم
تقدرون تخلون عيالكم يساعدونكم فيها
كب كيك الجزر .. جاهزين ؟






الأدوات المستخدمه
ورق صينية الفرن اللي يستخدم لخبز الكوكيز
صينية فرن .. أستخدمي أي صينية أو حتى لو كان بايركس
شبك الفرن تحصلون هالشغلات في ايكيا وتروفاليو وأحيانا في محلات بو مية فلس
صحن تقديم ابيض ويفضل يكون ابيض ساده

المقادير
تحتاجين بسكويت مخروط تحصلونه في محلات الآيس كريم
علبة جوكليت كيك أي ماركة تفضلينها روبن هود العلالي بيتي كروكر كله يمشي
آيس كريم فانيلا يفضل بترا لأنه متماسك أكثر من غيره
كريمة دريم ويب
صبغه لون برتقالي تحصلونها بالجمعيات ومركز سلطان ولولو هايبر ماركت
تحصلونها اقراش صغيره كل قرشه فيها لون مركز شي ازرق شي اصفر شي احمر
بسكويت اوريو للتزيين النهائي
أي نوع من الخضار للتزيين مثل بقدونس
ملاحظه راح تلاحظون استعنت بشغلات وحذفت شغلات للتسهيل

خطوات العمل
افردي ورقة الفرن داخل البايركس او الصينيه
ثبتي الشبك مالج فوق الصيني هاو البايركس
احتجنا الورق على اساس اذا صار شي بأحد المخاريط ما يطيح مباشرة
على البايركس او الصينيه ويحترق وتأذيج الريحه
حطي المخاريط عدل وثبتيها بالشبك


جهزي كيكة الجوكليت مالتج على حسب مقاديرج مثل ما تحبينها
اول ما تخلصين صبي داخل كل مخروط كميه معقوله
دخلي صينيتج الفرن ونطريها تستوي
لاحظي مو قاعده أكتب لج جم الوقت لانج عارفه الكيكه العاديه
مايبيلها اكثر من نص ساعه واستعيني بعود الاسنان
عشان تتأكدين اذا استوت الكيك او لا



عقب طلعي الصينيه خليها تبرد شوي على عدالها
حاولي تسكرين المخاريط من فوق عن طريق آيس كريم الفانيلا
وانا طلبت متماسك عشان ما يأذينا ونقدر انسكره من فوق
ودخليه الثلاجه لمدة ثلث ساعه



نطري ثلث ساعه تالي قومي ضربي كريمتج بالخلاص
خليها تصير كثيفه حيل وكل ما زردتي الضرب والخفق كل ما زادت غلاظتها
ضيفي مع الخلط اللون البرتقالي لما تحسين انج حصلتي على لون الجزر المطلوب


طلعي لج حبه حبه من الفريزر مو كلهم عشان ما يذوبون
حاولي تغطينها بالكريمه مثل الصوره
ورديهم فتره بسيطه بالفريز مو اكثر من 5 دقايق


في هذه الاثناء هاتي صحنج الابيض وفتتي فيه
بسكويت الاوريو خليه ينترس
عشان يعطينا شكل التراب

في هذه الاثناء هاتي صحنج الابيض وفتتي فيه
بسكويت الاوريو خليه ينترس
عشان يعطينا شكل التراب
واللي عندها ستاند هم أحسن وأحسن مثل الصوره
استخدمي البقدونس كزينه عشان تختمينها بحصولج على
الشكل النهائي لكب كيك الجزر

 
ملاحظه في ناس تسوي كيكه فانيلا بالبايركس
وتغطيها بكريمة فانيلا وتفتت الاوريو فوق الكريمه كلها
آخر شي توزع الجزر توزيع عشوائي

بالهنا والشفا على قلوبكمـ
بشروني بالنتايج الحلوه يا حلوين