Lazania

المقادير:
 نصف كيلو لحم مفروم
باكيت لزانيا
جبنة شدر وجبنة مازوريلا مبشور
عبوة صوص الاسباغتي
بيضة واحدة
ملعقة صغيرة أورغانو
قليل من البصل المفروم والثوم المدقوق
بهارات وملح حسب الرغبة

الطريقة:
نحمس البصل والثوم ثم يضاف اللحم المفروم ويقلب حتى ينضج
إتضيف البهارات والملح و الاسباجتي صوص ثلاث أو أربع ملاعق
إنسوي خلطة البشاميل مع إضافة البيضة
نأخذ أوراق اللزانيا بعد سلقها ونخليها على جنب بس لازم تكون جاهزه ومستويه
يوضع البشاميل في الوعاء  او البايركس
إنصف أوراق اللزانيا فوق خلطة الباشاميل اللي بالبايركس
نصب الحشو أي اللحم فوق اوراق اللزانيا
ثم القليل من البشاميل وهكذا إلى أن ينتهي المقدار
ويجب أن يكون آخر شي البشاميل ثم يدخل الفرن .

ملاحظه : للحصول على طعم ألذ يتم رش الجبن على وجه الطبق وادخاله الفرن

Colorful juice

المقادير :

اربع ملاعق بودرة عصير برتقال تانج
اربع ملاعق بودرة عصير منجا تانج
اربع كاسات ماء بارد
باكيت دريم ويب
شراب فيميتو مركز


الطريقة :

 توضع جميع المقادير في الخلاط حتى تظهر الرغوة
ثم ترفع الرغوة بحذر في طبق اخر بعد ذلك
يصب العصير في الكاسات و تضاف الرغوة على وجه كل كاسه
 ثم يوضع فوق كل كاس ملعقة صغيرة من شراب الفيمتو المركز
بعد ثواني معدودة ستشاهد اربع الوان في منتهى الروعه

3awar Galb juice

المقادير :
نص كاس مانجا المثلجه
كاس واحد فراوله المثلجه
 ملاعق ايس كريم ثلاث ملاعق ايس كريم فانيلا
في نوعيه فانيلا بالفراوله ماركة كي دي كاو رهيب بالعصير
ملعقتين سكر
ربع كاس ماءحليب يوضع حسب الحاجه
الطريقه :
توضع كل المقادير بالخلاط ويصب الحليب ليسهل حركت المكونات بالتدريج

بالعافيه عليكمـ

Twister - Fridays

المقادير : بطاط نايس الاحمر - المملح جبن شيدر كرافت
جبن موتزاريلا
جبن قلاص – أي نوع
كريمة حامضه
كريمه مخفوقه جاهزه – علبتها أحمر سابقا كي دي دي
نص ملعقة شاي سكر

نص ملعقة شاي بودرة الثوم
طماط + بصل + كزبره

طريقة التحضير   : تصفين البطاط في صينية للفرن وبعدين تبشرين عليها جبن الشيدر والموتزاريلا

وعقب تسوين حمام مائي تضيفين عليه المقادير

( جبن قلاص + كريمة الحمرا + كريمة حامضة + بودرة الثوم

سكر + جبن شيدر وموتزايرلا بس شويه )

وتحوسينة بالقفشة لين يذوب طبعا هذا الصوص الابيض المقادير على حسب كميتج للبطاط

اذا حابة وايد او شويه ولما يسخن الصوص تصبينه فوق البطاط والجبن بس بالقفشة لا تسكبينه

مباشرة عليه ومرة ثانيه حطي طبقة بطاط ونوعين الجبن وبعدين صبي فوقه الخليط مباشرة

رشي فوقه النوعين الجبن وترسيهم لين يتغطي الصوص وبعدين دخليه الفرن لمن يسيح الجبن طلعيه وقصي الطماطك والبصل والكزبرة عليه وبالعافيه

بعدملاحظة : الجبن على حسب كل وحده انا احب الجبن عشان جذي تشوفون اني بكل طبقة احط فيه بس اللي ماتحب مو شرط بكل طبقة تقدر بس فوق الصوص عشان تعرف انها استوت بالفرن لمن يسيح الجبن .. نقدر نستخدم البطاط الفريش ونقصصه بالسمك اللي نبيه يطلع ألذ

Nan – indian Bread

خبز النان الهندي يقدم مع اطباق الدجاج على انواعها
اليوم عندي طريقة للخبز مميزة ومجربة
 وتطلع طيبة والطريقة سهلة جدا ولا تحتاج الى فرن
المقادير :
ثلثي كوب ماء فاتر
ملعقة شاي خميرة فورية
ملعقة شاي سكر
ملعقة شاي ملح
كوبان من الدقيق
80سمن
ملعقتان كبيرتان من اللبن الزبادي + ملعقتان من حب البركة (الحبة السوداء)
الطريقة :
نعجن جميع المقادير مع بعضها جيدا حتى تصير العجينة مثل عجينة البيتزا نغطيها وتترك ترتاح حتى يتضاعف حجمها يعمل منها كور بحجم حبة الجوز وتفرد على سطح مرشوش بالدقيق وتكون متوسطة السماكة وبعدين نحمي مقلاة على النار ونضع قرص العجين ونخرم سطحه بالشوكة منعا للانتفاخ عندما يحمر من الاسفل نقلبها ونحمر الجهة الثانية ثم نضعها بالطبق مع دهن وجهها بالقليل من السمن بواسطة فرشاة

اقتراح :
قدميها مع اللبن الزبادي الممزوج بالكمون والكزبرة الناشفة والحر والملح
شوي صغيرة من كل نوع او حسب ذوقك

chocolate truffle

المقادير :
كيك كاكاو ( سارالي)
كريمه خفق ( بنكهة الكاكاو)
انبوب كريم باسكن روبنز
كاكاو
وممكن تضيفون اي شي تبونه ( فواكه - كورن فلكس لخ )

الطريقه :
الكيك تقطعونه مكعبات
كريمه الخفق تخفقونها مع شوي حليب لما تكثف وتحطونها فوق الكيك
فوقا كريم باسكن روبنز
تسوون طبقات لي نهايه الطبق ( كورن فلكس وكاكاو او اي شي )
واخر شي تزينونه

وتحطونه بالثلاجه لين وقت التقديم

chicken pie

المقادير :

كريمة كي دي دي

علبة قيمر

ملعقة كبيرة مايونيز

ملعقة كبيرة جبن قلاص

جبن شرايح

كيس توست

شاورما دجاج امريكانا

فلفل بارد

ذرة

بصل

مشروم حسب الحاجه

الطريقة :

نخلط الكريمة والمايونيز وجبن القلاص والقيمر في وعاء

نحمس البصل + الفلفل البارد + الشاورما والذرة والمشروم + نضيف البهارات  وشوية فلفل اسود ومكعب ماجي

بصينية البايركس : نصف التوست بدون ازالة الاطراف وبعدين الشاورما وبعدها طبقة من التوست
نصب خلطة الكريمة ونصف جبن الشرايح فوقها وطبعا الاوريغانو نتفه

نحطها بالفرن تقريبا 40 دقيقا إلى أن تتحمر .. مع المراقبه بين كل عشر دقايق

وبالعافيه ..

pink pasta

المقادير :

علبه صلصه المعكرونه بالزيتون ماركه العلالي

علبه كريما سائله – كريمة كي د ي دي الحمراء سابقا

ملح

رشتين تباسكو

باستا بالشكل اللي تحبونه

و جبن موتزاريلا مبشور

الطريقه :

تسلق الباستا بس مو كامل خلو فيها مقاومه شوي ومثل ما يسمونها

نخلط باجي المكونات على النار نضيف الملح  وبعدين نضيف الباستا
ونخليها تتشرب من الصلصه ونرش جزء من الجبن ونخلطها بعد ما نسكر النار

نصفها بالصحن ونرش باجي الجبن على الويه وتقدم في الحال

لا تنشف لانها بتصير مو حلوه

وبالعافيه

Hot Potato

المقادير:

ثلاث اكواب بطاط مكعبات مسلوقه وبعدين مقليه

قفشه كبيره ثوم مهروس 

نص قفشه متوسطه بابريكا

رشه اوريغانو او زعتر

كوب كزبره مفرومه

زيت زيتون حسب الرغبه

قفشه  او قفشه ونص كبيره عصير ليمون

ربع قفشه متوسطه كزبره بودر 

رشه ملح ( عدلو الملح حسب الرغبه )

رشه فلفل اسود

رشه فلفل احمر او حسب الرغبه اذا تحبونه حاره

جم نقطه تباسكو او اي صلصه حاره

الطريقه:
نسخن زيت الزيتون ونضيف الثوم ونخليه على نار هاديه نسبيا
ونحركه لين تطلع ريحته ويبتدي يتحمر نضيف له الكزبره البودر
ونخلطها مع الثوم وبعدين نضيف الكزبره الخضرا ونحركها لين يقلب لونها شوي
ونضيف البابريكا والفلفل الاسود 
نضيف البطاط المقلي ونرش بالفلفل الاحمر والاوريغانو والملح
ونقلبهم لين يتمازجون مع الكزبره عدل
اخر شي نخلط عصير الليمون مع التباسكو ونضيفه للبطاط ونقلبه قلبه وحده ونسكر النار
ينوكل ساخن كمقبلات او ينلف بالساندويشات مع خس وطماط
او اذا كنتو تحبون اللبنه تقدرون تحطونه فوق اللبنه وتقدمونه مع خبز خفيف محمص
وتقدرون تستخدمونه مع شوي مكسرات كحشو للعيش وبالف عافيه