chicken potato pie

المقادير :
بطاط مسلوق بس اهم شي لايصير لين وايد
بصله وجزره وبقدونس وكزبره
ودجاج مسلوق ومنتف
علبتين قشطه وخمس ملاعق جبن سائل

الطريقه :
نسلق البطاط مع الملح والبهارات ومعاهم مكعب ماجي
لين خلصتي سلق صفيه من الماي وتركيهم ع جنب يبردون
حمسي البصله لين تصير ذهبيه واضيفه الفليفله والجزر و البقدونس والكزبره
وحطي الدجاج المنتف واضيفي البهارت والملح
وفي اناء ثاني خلطي القشطه بالجبن وتركيه على جنب

ونبدي نحط أول طبقه في الصينيه

ملقعتين او ثلاث من القشطه المخفوقه بالجبن
والطبقه اللي فوقها ناخد البطاط بعدد مايبرد طبعا ونبشره بهالشكل

وبعدين الطبقه الثالثه نحط حميسة الدجاج فوق البطاط والقشطه

وتضيفين فوق الحميسه ملعقتين كبار او اكثر من القشطه المخفوقه
وعقب تردين تبشرين البطاط .. وهكذا

وفي الاخير راح تصبين كل القشطه المخفوقه

وترشنيها بالجبن المبشور من فوق

دخليها الفرن ربع ساعه
شبي من تحت وأيضا من فوق عشان تتحمر

وبالعافيه عليكمـ

pistachu Cake

Caramel Bakery

 

اللي عنده مناسبه او عزيمه مفاجئه .. وحده متوهق
يمر مخبز كراميل وبتحصلون عندهم اللي يبرد جبدكم

انا عن نفسي ماحب كيكة الفستق !!
وحبيتها من عندهم ماشاء الله حيييل حلوه
أتركمـ مع الصور

طبعا راح تلاحظون انها إمغطيه بكريمه
لكن الكريمه حدها لذيذه وخفيفه وماتغث
يعني حدكم ماراح تحسون فيها

عجينه الفستق المخبوزه تذوب بالحلج
حتى الفستق نفسه راح تحسون بنكهته مو بحبات الفستق نفسها

أتمنى تجربونها .. لاتطوفكمـ

للاستفسار
سعر الكيكه 13 دينار Tel. 22533257 – 22533258
Bnaid AL-Gar, AL-Manar Building

بنفس مبنى قناة الإم بي سي مقابل فرايديز البحر

وعلى فكره ترى عندهم نوعين من كيك الفستق ديروبالكم