المقادير
---------
ثلاث كاسات دقيق
ملعقه صغيره خميره
ظرف كريم كراميل
ربع كاس زيت
ست ملاعق حليب بودره
نحتاج تقريبا كاس وربع ماء
ملاحظه : صبي الماء شوي شوي عشان العجينه ماتصير حيل لينه حلاتها قاسيه شوي
-------------------------------------------------------------------------
الطريقه
--------
يتم وضع المكونات السابقه في الخلاط
يجب مراعاة وضع الماء .. شوي شوي مو كله مره وحده
لازم بالنهايه نحصل على عجينه سميكة القوام شوي مو ذايبه او لينه
وهاذي العجينه خلصنا منها ونخليها على صوب على ما تتخمر
مقادير الصوص الأبيض
------------------------
ملعقتين زبده
خمس حبات جبن كيري
ربع علبة حليب نستله المركز
---------------------------------
عشان تسهل عملية الخلط نقطع الزبده شرائح
نضيف باقي مكونات الصوص الأبيض إلى الزبده
يتم الخلط جيدا بواسطة الخلاط الكهربائي حتى يتم الحصول على هذا الخليط
وألحين نبدي نسوي الصوص الثاني .. سر نكهة السينابون
المقادير
---------
ربع اصبع زبده
ثلاث ملاعق سكر بني
جوز بيكان مجروش وإذا ما توفر استبدليه بالكاجو
حليب نستله شوي مو وايد
قرفه مطحونه نصف ملعقه صغيره
-----------------------------------------------------
الطريقه
--------
سيحي الزيده في مقلاة ساخنه
حطي عليها الجوز وحمصيه شوي
حطي السكر البني وحركيه شوي
صبي عليه شوي بس حليب نستله انتبهي لاتكثرين وحركي حتى يتجانس
حطي عليها القرفه .. ولاحظي إن الصوص لازم مايكون حييل ثقيل
وجذي نكون خلصنا من الصوص الثاني ونخليه على جنب ونرجع حق عجينتنا
ملاحظه : العجينه عشان تطلع بالمستوى المطلوب لازم نتركها وقت عشان تتخمر عدل
ناخذ العجينه
ونرش فوقها رشة سكر ناعم
نفردها عدل بدون ما تتشقق ولازم تكون مستويه من كل الاتجاهات
ندهن سطحها بالزبده الذائبه
نضع سكر ناعم بودره مع قرفه وشوي جوكليت بودرة بس علشان يعطينه نكهه حلوه وشكل حلو
إنلفه على شكل إسطواني
نقطعه قطع سميكه متساوية الحجم
ألحين صار وقت وضع القطع التي تم قطعها بالفرن
ملاحظه : يجب دهن الصينيه بالزبده في كل الاتجاهات جيدا
مومهم شنو شكل الصينيه اللي عندكم أهم شي تكفى القطع المقطوعه
نصفها ونترك بينها مسافه لأنه راح يتضاعف حجمها زياده نتركها تقريبا ساعه بالخارج
يوضع بالفرن بحراره مرتفعه تقريبا 15 دقيقه لا اكثر
ألحين وقت الصوص الأبيض طبعا أكيد تذكرون مكوناتها نحطها اهني
الصوص الأبيض اللي جهزناه راح ننقله في قمع كالتالي
إنطلع شغلنا من الفرن
نضع الصوص الأبيض بهالشكل فوق كل قطعه لاحظوا ان الصوص ثقيل وماذاب
راح نحتاج جوكليت صوص وكراميل صوص
نضع خلطة السينابون فوق الصوص الابيض وعقب نضع الجوكليت والكراميل صوص
بالعافيه عليكم يارب هني
ليست هناك تعليقات:
إرسال تعليق